This is a weekly meme in support for Bisdak Bloggers. Words below are written in Bisaya.
E- Elepante
Upat na ka tuig ang nilabay sa dihang nakuha kining hulagwaya. Nakuha kini adtong nag biyahe mi padulong sa Thailand. Akong gi-ignan ang akong iya-an nga dili ko mouli sa Pilipinas kun dili ako makakita sa Elepante. Imposible niadtong higayuna nga adunay elepante kay bag-o lang daw nahuman ang pasundayag sa mga elepante busa nanlakaw na kini. Apan sa among pag suroy-suroy adunay elepante nilabay. Nagdagan-dagan gayud ako ug akong gitawag ang tawo nga nagdala sa elepante. Sa walay paglangan, nag pa hulagway dayon ako. Dako kaayo ang akong ngisi aning hulagwaya kay natuman gayud ang akong gusto adtong higayuna.
